Йемендік хуситтер Израиль мен АҚШ-қа қарсы соғысқа ресми түрде кірісті

Йемендік Хуситтер Иран жағында Израиль мен Америка Құрама Штаттарына қарсы соғысқа ресми түрде кірісті, деп хабарлайды JANABASTAU.KZ ақпарат агенттігі СNN сайтына сілтеме жасап.   

Иран қолдайтын хусит көтерілісшілері сенбі күні Израильге баллистикалық зымырандар ұшырғанын жариялады. Бұл олардың Израиль мен Америка Құрама Штаттарымен соғысқа кіргенін білдіреді.

Израиль қорғаныс күштері (IDF) бұған дейін Йеменнен Израильге қарай ұшырылған зымыранды анықтағанын және оны ұстап алу үшін жұмыс істеп жатқанын хабарлаған.

Бүгін хуситтер Израильге зымыран ұшыру арқылы Иранмен соғысқа кіргенін жариялағаны туралы хабарланды.

Йемен қарулы күштері өздерінің алғашқы әскери операциясын жүргізіп, оңтүстік оккупацияланған Палестинадағы Израильдің маңызды әскери нысандарына қарсы ауқымды зымыран шабуылын жасады, – делінген хуситтердің мәлімдемесінде.

Сондай-ақ бұл операцияның "жалғасып жатқан әскери эскалацияға, инфрақұрылымды нысанаға алуға және Ливандағы, Ирандағы, Ирактағы және Палестинадағы бауырларымызға қарсы қылмыстар мен қырғындардың жасалуына" тікелей жауап болғаны атап өтілді.