Қосшы мәслихатының сессиясы: Қаланың даму бағыты айқындалды

Қосшы қаласының сегізінші шақырылған мәслихатының отыз тоғызыншы кезекті сессиясы өтті. Бұл жиын қала тұрғындарының жайлы әрі қауіпсіз өмірін қамтамасыз ету үшін атқарылып жатқан жұмыстарды сараптап, алдағы жоспарларды айқындап, шешімдер қабылдау мақсатында ұйымдастырылды. Мәслихат төрағасы Әлихан Қуатбековтің жетекшілігімен жүргізілген сессияға қала әкімі Азамат Қапышев, Ақмола облыстық мәслихатының депутаты Айдын Төребаев, әкімнің орынбасарлары мен мемлекеттік мекемелердің басшылары қатысты, деп хабарлайды JANABASTAU.KZ

Сессияның күн тәртібіне сәйкес, Қосшы қаласы мәслихатының 2024 жылғы атқарған жұмыстары мен тұрақты комиссиялары қызметінің есебі тыңдалды. Мәслихат төрағасы Әлихан Жұмаханұлы өз баяндамасында былтыр депутаттық корпус тарапынан атқарылған маңызды істерді атап өтті. Ол өз сөзінде, халықтың өмір сүру сапасын жақсартуға бағытталған жұмыстардың тұрақты түрде жүргізілетінін және қаладағы инфрақұрылымдық мәселелерді шешу, әлеуметтік жобаларды іске асыру бағытындағы жұмыстардың жалғаса беретінін жеткізді. Мәслихат төрағасы депутаттық корпустың жұмысы халықтың сұраныс-
тары мен қажеттіліктеріне сай жоспарланып, нақты нәтижелерге бағытталғанын мәлімдеді. 

Қала әкімі Азамат Қапышев сессия барысында Қосшы қаласының дамуы жөніндегі сөзін жалғастырып, қаланың экономикалық қуатының артуына және әлеуметтік саладағы жетістіктерге ерекше назар аударды. Ол мәслихат депутаттарының, әкімдік қызметкерлерінің және қоғам мүшелерінің бірлесіп атқарған жұмыстарының тиімділігін атап өтіп, қала әкімдігімен тығыз ынтымақтастықта жұмыс істеп жатқанын айтты. Сонымен қатар Азамат Есімұлы алдағы уақытта қала инфрақұрылымын дамыту, тұрғын үй мәселесін шешу және әлеуметтік қызметтерді жақсарту үшін жүйелі жұмыстар жалғасын табатынын хабарлады.

Сессияның соңында қаланың әлеуметтік-
экономикалық дамуын нығайту бағытында қабылданған шешімдер туралы мәслихат мүшелері өз пікірлерін білдіріп, олардың барлығы да тұрғындардың мүддесіне толықтай сәйкес екенін атап өтті. Осылайша, сессия барысында қалаға қатысты маңызды шешімдер қабылданып, Қосшының болашақтағы даму жолы айқындалды.

Бұл жиынның тағы бір ерекшелігі, қазіргі заманның талаптарына сай, әрбір атқарылған қадамның стратегиялық тұрғыда алдын ала жоспарланып, нақты нәтижелерге бағытталғаны болды. Әрбір шешім тұрғындардың қажеттіліктеріне, қала дамуының өзекті мәселелеріне және болашаққа деген көзқарасқа сәйкес қабылданды. Мәслихаттың өзара ынтымақтастығы мен депутаттардың белсенді жұмысы қала үшін үлкен мүмкіндіктер ашып отыр.

Жиынның қорытындысы бойынша қабылданған шешімдер алдағы уақытта қаладағы әлеуметтік, экономикалық және инфрақұрылымдық салалардың дамуында оң нәтижелер беретін болады. Жұмыла істелген іс әрқашан өз жемісін береді, бұл ретте Қосшы қаласының келешегі жарқын екеніне сенім бар. Біріге атқарылған қызметтер ғана қала тұрғындарының өмірін жақсартуға ықпал етіп, оң өзгерістерге жол ашады. Барлық қатысушыларға тек сәттілік тілей отырып, қалаға деген адал қызметтің жалғаса беруіне тілек білдіреміз.