Қосшы қаласының жас шахматшы Мыңжасар үздіктер қатарында

Сүйінші! Жас шахматшы Мыңжасар Абдурахман Нұрмұхаммедұлының бұл жетістігі – ерекше қуанышты жаңалық! Алматыда өткен 6 жасқа дейінгі ұлдар арасындағы шахматтан ел чемпионатында блиц ойынында 3-орынға ие болу – үлкен еңбектің, табандылықтың және дарынның жемісі, деп жазды JANABASTAU.KZ

Бұл жеңіс Қосшы қаласындағы “Jana beles” орталығының жұмысының сапасын және жетекшісі Байжанов Төкен Еркебұланұлының қажырлы еңбегін көрсетеді. Жас дарын Мыңжасар республиканың ең үздік 30 шахматшысымен терезесі тең дәрежеде ойнап, үздіктер қатарынан көрінді. Оның мұндай жетістігі – болашақта халықаралық ареналарда Қазақстанның туын желбірететін нағыз талант иесі екенін дәлелдейді.

Мыңжасар – тек өз отбасының емес, бүкіл Қосшы қаласының мақтанышы. Оның жеңісінің артында тек дарын ғана емес, үздіксіз жаттығу, ұстазының бағыт-бағдары және ата-анасының қолдауы тұр. Осындай жас спортшылардың жетістігі еліміздегі шахматтың дамуының жарқын болашағын айқындайды.

Мыңжасарды, оның жанұясын және барлық жанкүйерлерін шын жүректен құттықтаймыз! Оның жетістігі жас буынға үлгі болып, көптеген жасөспірімдерді шахматқа баулуға шабыт беретіні сөзсіз. Болашақта әлемдік деңгейде ел намысын абыроймен қорғайтын мықты шахматшы болуына тілектеспіз!

Жарайсың, Мыңжасар! Алға, жаңа белестерге!