Қосшы қаласының 5 жылдығына орай ұршық иіруден мәдени шара өтеді

Қосшы қаласының 5 жылдығына орай ұршық иіруден ауқымды мәдени іс-шара ұйымдастырылады, деп хабарлайды JANABASTAU.KZ ақпарат агенттігі. 

Шараның мақсаты – ұлттық қолөнерді дәріптеп, ұршық иіру дәстүрін кейінгі ұрпаққа насихаттау.

Ұйымдастырушылар ұршық иіре алатын және осы өнерге қызығушылық танытатын аналарды, әжелерді, қыз-келіншектерді іс-шараға қатысуға шақырады.

«Ұршықтың әр иірімі – ата-баба аманаты, әр тал жіп – ұлттық мұрамыздың жалғасы. Келіңіздер, ата-бабамыздан мирас болған асыл өнерді бірге жаңғыртып, ұлттық құндылықтарымызды ұлықтайық», – делінген ұйымдастырушылардың үндеуінде.

Іс-шара 21 шілде күні өтеді. Қосымша ақпаратты +7 702 667 04 83 телефон нөмірі арқылы алуға болады.