Халық әртісі ажырасқан әйелдерді «унитазға» теңеді

Өзбек эстрадасының «примадоннасы», «Өзбек эстрадасының ханшайымы» (O’zbekiston Qirolichasi) атанған белгілі әнші, композитор, ақын, продюсер, Өзбекстанның халық әртісі Юлдуз Усманова тағы да қоғам назарына ілікті. Бұл жолы ол әлеуметтік желі қолданушыларының жаппай наразылығын тудырған өткір әрі даулы мәлімдемелерімен сынға ұшырады, деп хабарлайды JANABASTAU.KZ ақпарат агенттігі.

Қоғамда қызу талқылауға себеп болған жайт – әншінің ажырасқан әйелдердің мәртебесіне қатысты айтқан шектен тыс қорлайтын әрі шок тудыратын салыстыруы болды.

Юлдуз Усманова көпшілік алдында әйел адамға ажырасуға болмайтынын айтып, өз пікірін білдірді. Оның айтуынша, ажырасқаннан кейін әйелдерге ер адамдар «үйір болады».

Өз сөзінде әнші саяси әрі этикалық тұрғыдан орынсыз салыстыру келтіріп, ажырасқан әйелдерді тұрмыстық затпен, нақтырақ айтқанда, «унитазға» теңеген.