NIS-те республикалық пәндік олимпиаданың желілік кезеңі басталды

15.02.23 сағат 10:45 Руханият

401

Назарбаев Зияткерлік мектептерінде жалпы білім беретін пәндер бойынша республикалық олимпиаданың желілік кезеңі өтіп жатыр. Аталған олимпиадаға Көкшетау қаласындағы NIS-тің 36 оқушысы қатысады. 18 оқушы жаратылыстану-математикалық бағыттағы пәндер бойынша білімдерін сарапқа салды. 8-сынып оқушысы Марал Тоқтамыс биыл олимпиадаға алғаш рет қатысып отыр:

- Мен 7-сыныпта олимпиадаға қатысқан жоқпын. Осы жылғы олимпиадаға мен екі жарым ай бойы дайындалдым. Өзімнің жауаптарымнан жақсы нәтиже күтемін.

2021-2022 оқу жылында химия пәнінен желілік олимпиадаға қатысып, жүлделі 2-орынға ие болған 10-сынып оқушысы Әсел Жиенғалиева да жоғары нәтиже көрсетуге ниетті. Айта кетейік, 16 ақпанда қоғамдық-гуманитарлық бағыттағы пәндер бойынша бақ сынайтын оқушылар үшін бірінші тур басталады.