Қосшы қаласының 5 жылдығына орай кітап оқу байқауы өтеді

Қосшы қаласының 5 жылдық мерейтойына орай кітапсүйер қауымға арналған «Оқы да оз!» атты кітап оқу байқауы ұйымдастырылады, деп хабарлайды JANABASTAU.KZ.

Іс-шара Қазақстан Республикасы Президентінің кітап оқу мәдениетін дамыту және зерделі ұлт қалыптастыру жөніндегі бастамасын жүзеге асыру аясында өтеді.

Байқау аясында қатысушылар республикалық «Бір ел – бір кітап» акциясы бойынша биыл оқуға ұсынылған Тағдыр шығармасы бойынша бақ сынайды.

Ұйымдастырушылардың айтуынша, байқаудың мақсаты – кітап оқу мәдениетін насихаттау, ұлттық әдебиетті дәріптеу және оқырмандардың шығарманы тереңірек тануына мүмкіндік жасау. 

Жеңімпаздар дипломдармен және қаржылай сыйлықтармен марапатталады.

Өтінім беру және қосымша ақпарат алу үшін байланыс нөмірі:

+7 778 699 01 19.

Өтетін күні: 24 шілде 2026 жыл

Уақыты: 11:00

Өтетін орны: Қоғамдық-мәдени спорт кешені

Ұйымдастырушылар тұрғындарды кітап оқуға және байқауға белсенді қатысуға шақырды.