Қосшыда ет дүкенінен өрт шықты

20.11.25 сағат 10:05 Қосшы жаңалықтары

Фото: Ақмола облыстық ТЖД

Бүгін Қосшы қаласында ет дүкенінің шатырынан өрт шықты, деп хабарлайды JANABASTAU.KZ ақпарат агенттігі.

Бұл туралы Ақмола облыстық Төтенше жағдайлар департаментінің баспасөз қызметі мәлім етті.

Құтқарушылардың үйлесімді және жедел әрекеттерінің арқасында өрттің таралуына жол берілмей, 6 шаршы метр аумақтағы өрт (жалпы аумағы 300 шаршы м) толықтай сөндірілді. Қаза тапқандар мен зардап шеккендер жоқ. Өрттің шығу себебі анықталып жатыр, - делінген хабарламада.

Ақмола облысы ТЖД тұрмыста өрт қауіпсіздігі ережелерін сақтауға шақырды.