«Жайдарман» жас таланттарды шақырады

Қосшы жаңалықтары
view 1245
news

«Жайдарман» – көңілді де, тапқыр жастардың басын қосатын телевизиялық жоба. Әзіл сүйер жастардан құралған командалар ұтымды әзіл мен актерлік шеберлік, ән-би, мимика, ой ұшқырлығымен көрермен көңілін жаулап алды. Жобаның басты ерекшелігі – өмірдегі, жалпы қоғамдағы құбылыстарды ұтымды әзілмен, қағытпа қалжыңмен жеткізе білетін жастардың шығармашылық ордасына айналған.

Көңілділер мен тапқырлар ойыны соңғы жылдары Қосшы қаласына да етене бауыр басып, кең тарап, жастардың сүйіп көретін бағдарламасына айналды. Сұраныс бар жерде, ұсыныс бар. Қандайда бір өнер туындысы көпшілікке қызық болса, оның қолдаушысы көп болса, ол соғұрылым өміршең келеді. Рас, кезінде «Жайдарман» қоғам арасында біраз сынға ілікті, бірақ мақсатынан тайған жоқ, өз көрерменін тапты, тарихын қалыптастырып келеді. «Жайдарман» жылдан жылға қанатын кеңге жайып, мәуелі бәйтеректей жайқалып өсіп барады. Оның айқын дәлелі – өткен аптада қаламызда Қосшы қаласы әкімінің кубогі үшін жыл сайынғы «Жайдарман» ойынының кезекті маусымы ұйымдастырылды. Ойынға қаланың жеті мектебінен жеті команда қатысты. «Жайдарман» – қазіргі таңда ауқымды аудиторияны қамтыған, ең ірі жастар қозғалыстарының бірі. Клуб жастардың біліктілігін шыңдауға, жасырын таланттарын ашуға, олардың шығармашылық әлеуетін жүзеге асыруға серпін беретіні сөзсіз. Қызықтарға толы ойынның нәтижесі төмендегідей: Бас жүлде – «IT құрамасы» (ІТ мектеп-лицейі); І орын – «Гимназия құрамасы» (мектеп гимназия); ІІ орын екеу – «Нұрай» құрамасы (№3 орта мектеп және «Дара» бизнес академиясы мектеп лицейі; ІІІ орын екеу – «Потолок» құрамасы (2 мектеп) және «Жалынды жастар» құрамасы (Рақымжан Қошқарбай атындағы №1 мектеп). Сондай-ақ белсенді қатысқаны үшін Тайтөбе орта мектебі марапатталды.  

Оқи отырыңыз

Пікірлер (0)

Пікір қосу

Сіздің атыңыз *
Сіздің пікіріңіз *