Көкшетаудағы NIS-тің екі оқушысы республикалық ғылыми жобалар байқауында топ жарды

Жалпы білім беретін пәндер бойынша республикалық ғылыми жобалар байқауының жеңімпаздары мен жүлдегерлері белгілі болды. Көкшетаудағы NIS-тің 2 бірдей оқушысы байқаудың жеңімпазы атанды. «Қоршаған ортаны қорғау және адам денсаулығы» секциясында І-орынды «SАQ SAPAR» жобасымен Асанәлі Кәрім, «Информатика» секциясында І-орынды «Aq Zhol» жобасымен Асылхан Қали иеленді. Айта кетейік, республикалық ғылыми жобалар байқауының қазылар алқасының шешімімен Асылхан Қалидің «Aq Zhol» жобасы Қазақстанның атынан АҚШ-тағы «Regeneron ISEF-2023» ғылым мен техниканың дүниежүзілік көрмесінде ұсынылады.