Нотариаттық іс-қағаздарды Қазақстан Республикасының тіл туралы заңдарына сәйкес жүргізу туралы

  Қосшы қаласында 6 нотариус қызмет көрсетеді, барлығы да мемлекеттік және орыс тілінде қызмет көрсете алады. Түсіндіру барысында іс-қағаздарын жүргізу бойынша әдістемелік көмек көрсетілетіндігі және Қосшы қаласы Тілдерді оқыту орталығында мемлекеттік тілді оқыту курстары туралы ақпарат берілді. Мемлекеттік тілде қызмет көрсету сапасын одан әрі жетілдіру мақсатында екі нотариус курсқа тіркелді. Курс барысында іс-қағаздарды мемлекеттік тілде жүргізу тақырыбында сабақтар өтетін болады. Алдағы уақытта нотариустармен тұрақты түрде ақпараттық-әдістемелік жұмыстар жүргізіледі. Жүргізілген жұмыс нәтижесінде барлық құжаттар тұрғындардың сұранысына сәйкес мемлекеттік немесе орыс тілінде ресімделетіндігі анықталды. Құжаттардың екі тілде де дайын үлгілері бар. Дегенмен тұтынушылардың сұранысына қарай «міндеттеме», «сенімхат» сынды құжаттарда үлгіден тыс мәтіндер енгізіледі. Әсіресе мекеме атауларын мемлекеттік тілде жазуда анықтамалықтың қажеттігі туындайды. Құжаттардың мемлекеттік тілде ресімделуін талап ететін тұтынушылардың басым бөлігі шетелден келген қандастарымыз. Тілдің дамуы, өмір сүруі үшін ең басты шарт – сол тілде сөйлейтін адамдардың болуы. Сондықтан, тілдік ахуалды реттеуде халық арасында насихат жұмыстарын жасап, мемлекеттік тілдің, яғни қазақ тілінің қолданысын кеңейтуге атсалысуымыз қажет. Әсіресе халықтың жиі баратын, яғни кез-келген мәмілені жасау үшін баратын орны – нотариустар. Нотариуста қызметтер орыс тілінде ұсынылып, барлық құжаттар көбіне орыс тілінде толтырылады. Себебі азаматтар талап етпейді, көбіне мән бермей нотариус ұсынған тілде құжаттарын қабылдауға үйренген. Бүгінгі күні нотариустарға іс қағаздарды (сенімхат, шарт және т.б.) қазақ тілінде әзірлеу жұмыстарына әдістемелік көмек көрсетілуде. Осының нәтижесінде барлық жерде нотариалдық қызмет қазақ тілінде қызмет ұсынуға дайын деуге болады. Ол үшін азаматтардың талап етуі шарт.