Ақмола облысының әкімі Марат Ахметжанов Еркін Ғаббасовты күміс медальмен құттықтады

«Еркін Ғаббасовты құрметті және көптен күткен марапатымен - Париждегі Паралимпиада ойындарының күміс медалімен құттықтаймын! Бұл сіздің табандылығыңыздың, белсенді өмірлік ұстанымыңыздың және еңбекқорлығыңыздың айқын дәлелі. Ақмолалықтар сізді мақтан тұтады.

Жаңа жарыстарда одан да биік жеңістер тілеймін», - деп жазылған құттықтауда.

Естеріңізге сала кетейік, Еркін Ғаббасовтың күмісі ұлттық құраманың Паралимпиада ойындарындағы алғашқы медалі болды. Спортшы 10 метр қашықтыққа пневматикалық мылтықтан оқ ату бойынша Паралимпиада финалында өнер көрсетті.