“БАУЫРЖАН ОҚУЛАРЫ” облыстық мәнерлеп оқу байқауына шақырамыз!

ҚҰРМЕТТІ АҚМОЛА ЖАСТАРЫ!

Сіздерді ақын Бауыржан Қарағызұлының шығармашылығына арналған “БАУЫРЖАН ОҚУЛАРЫ” облыстық мәнерлеп оқу байқауына шақырамыз!

➤ Байқауға Ақмола облысының 14-35 жас аралығындағы жастары қатыса алады. ➤ Байқау екі кезеңнен тұрады. ➤Бірінші кезеңде қатысушылар Бауыржан Қарағызұлының 1 өлеңін жатқа оқып (қосымшада ұсынылатын өлеңдер беріледі, бірақ әр қатысушы өз қалауы бойынша да таңдай алады) инстаграм және Tiktok әлеуметтік желісінде #БауыржанОқулары хештегімен және @bauyrzhan_karagyzuly @kitaphana.qosshy парақшасын белгілеп 10 қазанға дейін бейнеролик жариялауы тиіс. ➤2-кезеңге қазылар алқасының шешімімен 10 үздік қатысушы шақырылады. Қосшы қаласында өтетін екінші кезең қатысушылары ақынның 1 (бір) өлеңін жатқа оқуы тиіс. ➤ Байқауға қатысу үшін kitaphana.qosshy@mail.ru электронды поштасына өтінімдерді және бейнероликтерді 2023 жылғы 10 қазанға дейін жолдау керек. Өтінім үлгісі 1 қосымшада. ➤ Байқаудың екінші кезеңі 2023 жылғы 17 қазан күні 16:00-де Қосшы қаласында өтеді (өтетін орны қосымша хабарланады).

Шарттары:

1. Қатысушылар өлеңдерді мәнерлеп, нақышына келтіріп, жатқа айтуы тиіс (өлеңнің мән-мағынасын, айтар ойын ашып түсіндіруге, сахналық көріністерге рұқсат етіледі). 2. Сахналық киім үлгісі сақталуы тиіс. 3. Дайын фонограммаларды пайдалануға тыйым салынады.

Бағалау барасында келесі критерийлер ескеріледі:

➤ Өлеңді оқу шеберлігі; ➤ Бейнероликтің креативтілігі; ➤ Дауыс мәнері мен тіл тазалығы; ➤ Сахналық бейне, оқу мәнері; ➤ Сахналық киім үлгісі; ➤ өлеңнің мән-мағынасын, айтар ойын ашып түсіндіруі.

Байқау жеңімпаздары дипломдармен, алғыс хаттармен және бағалы сыйлықтармен марапатталады.

Іс-сапар шығындары жіберуші тараптан төленеді. Ұйымдастыру алқасы: Қосшы қаласы ішкі саясат, мәдениет, тілдерді дамыту және спорт бөлімі, қалалық кітапхана. Сұрақтар бойынша байланыс нөмірі 87755451097 (Сымбат Бауыржанқызы)